වීසා කාණ්ඩ 485 යටතේ Temporary Graduate වීසා ලාභීන් රැසකට ලබන සැප්තැම්බර් 30 වනදා දක්වා වීසා බලපත් කාලය දීර්ඝ කිරීමට ස්වදේශ කටයුතු දෙපාර්තමේන්තුව තීරණය කර තිබෙනවා.
දැනට ඔස්ටේ්‍රලියාවට පැමිණීමට නොහැකිව සිටින සහ දැනටමත් ඔස්ටේ්‍රලියාව තුළ සිටින Temporary Graduate වීසා ලාභීන් විශාල පිරිසකට මෙමගින් සහන අත්වනු ඇති.
කෙසේවෙතත් ඔවුන් පහත දැක්වෙන කොන්දේසි සපුරාලිය යුතු වනවා.
පසුගිය දෙසැම්බර් 15 වනදා වනවිට Temporary Graduate වීසා බලපත්‍රයක් තිබීම / දැනට පවතින වීසා බලපත්‍රය ලබන සැප්තැම්බර් 30 වනදාට පෙර කල් ඉකුත්වීම / පසුගිය දෙසැම්බර් 15 වනදාට පෙර වීසා බලපත්‍රය අවලංගුව නොපැවතීම යන කොන්දේසි සපුරාලන ලාභීන්ට මෙම වරප්‍රසාදය අත්වනවා.
මේ සඳහා නැවත අයදුම් කිරීමක් අවශ්‍ය නොවන අතර ස්වදේශ කටයුතු දෙපාර්තමේන්තුව විසින් එම දීර්ඝ කිරීම සිදුකරනු ඇති.
ඒ සඳහා කිසිදු වීසා ගාස්තුවක් අය කරන්නේද නැහැ.
මේ පිළිබඳ වැඩිදුර විස්තර පහතින් :
https://immi.homeaffairs.gov.au/news-media/archive/article?itemId=812
