ඔස්ටේරලියානුවන් ලක්ෂ 04 කගේ පමණ ක්රෙඩිට් කාඩ් පත් දත්ත සොරාගැනීමේ සිදුවීමක් පිළිබඳ විමර්ශන ආරම්භ කර තිබෙනවා.
රටවල් 140 ක පරිශීලකයන් ලක්ෂ 50 කට ආසන්න පිරිසකගේ තොරතුරු මෙලෙස සොරාගෙන ඇතැයි සඳහන්.
එහිදී වැඩිම බලපෑමකට ලක්ව ඇත්තේ අමෙරිකාව වන අතර එරට පුද්ගලයන් 15 ලක්ෂ 60 දහසකට වැඩි පිරිසකගේ ක්රෙඩිට් කාඩ් තොරතුරු සොරා ගෙන ඇති බවටයි හඳුනාගෙන ඇත්තේ.
දෙවන ස්ථානයට පත්ව ඇත්තේ ඔස්ටේරලියාවයි.
වීසා – මාස්ටර් කාඩ් – ඇමරිකන් එක්ස්ප්රස් යන සමාගම්වලට අයත් කාඩ්පත් දත්ත මෙලෙස සොරාගෙන ඇති බවයි අන්තර්ජාල වාර්තා කියාසිටියේ.
මේ අතර මෑතකදී නිකුත් වූ වාර්තාවක දැක්වුණේ ක්රෙඩිට් කාඩ් පත් දත්ත සොරාගැනීම් සිදුවිය හැකි රටවල් අතර ඔස්ටේරලියාව දෙවන ස්ථානයේ පසුවන අතර හොංකොං පළමු ස්ථානයේ පසුවන බවයි.